p Warning: ksort() expects parameter 1 to be array, boolean given in /var/www/super.kg/superstan/admin_secret/sources/classes/output/publicOutput.php on line 384 Warning: Invalid argument supplied for foreach() in /var/www/super.kg/superstan/admin_secret/sources/classes/output/publicOutput.php on line 387

13-декабрь, 1816-жылы "Siemens" фирмасынын негиздөөчүсү Вернер фон Сименс төрөлгөн

"Siemens" фирмасынын негиздөөчүсү Вернер фон Сименс төрөлгөн. Гимназияны бүтүргөн соң Магдебург шаарындагы артиллериялык инженердик окуу жайга тапшырган.

Окумуштуу 1847-жылы Иоганн Гальске менен Telegraphenbauanstalt Siemens & Halske деген аталыштагы телеграфтык-курулуш фирмасын негиздеген. Аталган ишкана Германиядагы жана Орусиядагы биринчи телеграф линиясын кургандыгы менен белгилүү.

1860-жылы окумуштууга Философиянын ардактуу доктору наамы берилген. 8 жылдан соң Сименстин фирмасы Кавказ аркылуу өткөн индоевропалык телеграф линиясын кура баштайт.Мындан тышкары ойлоп табуучу электротехниканы иштеп чыгуу менен алектенип, 1867-жылы динамо-унааны ойлоп тапкан. 3 жылдан кийин анын фирмасы Атлантика океаны аркылуу өтүүчү, Ирландия менен АКШны байланыштырган телеграф линиясын ачкан.

Германияга телефон келгенде, Telegraphenbauanstalt Siemens & Halske фирмасы Берлиндеги алгачкы телефон станциясын куруп, трубкаларды чыгара баштаган. Андан тышкары аталган фирма дүйнөдөгү алгачкы электр темир жолун, электр лифтин жана Берлиндеги трамвай линиясын курган.

Вернер фон Сименс 1892-жылы 6-декабрда Германиянын Шарлоттенбург шаарында көз жумган.

(209 жыл мурун)

Комментарийлер(0)

Комментарий калтыруу үчүн өз ысымыңыз менен кириңиз же каттоодон өтүңүз.

Бөлүмдүн статистикасы

соңку 15 мүнөт ичинде колдонуучу (Катталган: , коноктор: ) бул окуяга кирди:

Окуялар:: 9089;