12-август, 2000-жылы Бейшенбек Раимбеков Баткен облусунун Кур-Бака аймагынан чек арадан тоскоолдуксуз өтүп кеткиси келген террорчуларды тосууда душман огунан каза тапкан

2012-жылдын 24-майында КР Өкмөтүнүн №310 токтому менен майор Раимбеков Бейшенбек Жакшылыковичтин ысымы “Капчыгай” чек ара тозотуна ыйгарылган. Раимбеков Бейшенбек Жакшылыкович 1962-жылы 4-январда Жумгал районунун Миң–Куш шаарчасында төрөлгөн. 1968-жылы атасы кызмат ордун алмаштыргандыгына байланыштуу Ысык-Көл облусунун Балыкчы шаарына көчүп келет. 1969-жылы Балыкчы шаардык №5 мектептин босогосун аттап, аны 1979-жылы ийгиликтүү бүтүргөн. Андан кийин бир жыл Оргтехника заводунда слесарь болуп эмгектенген. 1980-1982-жылдары Советтик Армиянын катарында кызмат өтөгөн. 1984- 1992-жылдары Россиянын Ярослав шаарында Жогорку Аскердик окуу жайынын курсунда билим алган.  

1993-жылы Коргоо министирлигинин Кой-Таш полкунун минометтук взводунун командири болуп дайындалат. 1999-жылы чек ара кызматына капитан аскердик наамында резервтик чек ара тозотунун зардалы болуп дайындалат. 2000-жылы 12-августта Баткен облусунун “Кур-Бака” жайлоосунун чөлкөмүндө Кыргызстанга кирип келген мыйзамсыз террористтик топ менен болгон кагылышта капитан Б.Раимбеков баатырларча курман болгон. 2000-жылдын декабрь айында көрсөткөн эрдиги үчүн капитан Раимбеков Бейшенбек Жакшылыковичке майор аскердик наамы ыйгарылган.