1-сентябрь, 1923-жылы Японияда күчү 8,3 баллга жеткен жер титирөө болуп, өрт чыккан

Японияда күчү 8,3 баллга жеткен жер титирөө болуп, зилзаладан жана андан улам пайда болгон өрттөн Токио, Йокогама, Канто жана башка ондогон шаарлар толугу менен кыйрап калган. Токионун 40 миңге жакын жашоочулары айттырбай келген кырсыктан сактануу үчүн шаар сейил багына бет алышкан. Бирок 2 миңи гана аман калып, калгандарынын баары айлананы курчаган түтүнгө ууланып көз жумушкан. Жалпысынан 174 миң адам каза болуп, 542 киши дайынсыз жоголгон жана 3 жарым миллион адам үй-жайсыз калган.  (102 жыл мурун)