20-август, 1932-жылы жазуучу жана котормочу Бакай Сексенбаев туулган

Жазуучу жана котормочу Бакай Сексенбаев Чүй районуна караштуу Бурана айылында туулган. Ал 1949-жылы орто мектепти, 1962-жылы болсо КМУнун филология факультетин бүтүргөн.

Эмгек жолун 1949-жылы Чүй райондук "Шамси" совхозундагы жети жылдык мектепте мугалим болуп иштөө менен баштаган. Ал эми 1954-1957-жылдары Советтик Армиянын катарында кызмат өтөгөн.

1962-1967-жылдары болсо "Советтик Кыргызстан" гезитинин редакциясында адабий кызматкер, 1971-1981-жылдары "Кыргызстан" басмасында бөлүм башчы, 1981-жылдан Кыргызстан КП БКнын алдындагы Партиянын тарыхы институтунун башкы редакциясында жооптуу катчы болуп иштеген.

Бакай Сексенбаевдин биринчи "Чындык жана легенда" аттуу очерктер жыйнагы 1970-жылы жарык көргөн. Жазуучунун чыгармачылыгындагы маанилүү орунду көркөм котормо ээлеген. Ал тарабынан С.Залыгиндин "Солёная пядь", А.Чаковскийдин "Победа" романдары, В.Лацистин "Земля и море", С.Шакибаевдин "Падение большого Туркестана" повесттери ж.б. чыгармалар кыргыз тилине которулган.

Бакай Сексенбаев 1980-жылдан СССР Жазуучулар союзунун мүчөсү. Ал Кыргыз ССР Жогорку Советинин грамотасы менен сыйланган.

(93 жыл мурун)

Комментарийлер(0)

Комментарий калтыруу үчүн өз ысымыңыз менен кириңиз же каттоодон өтүңүз.

Бөлүмдүн статистикасы

соңку 15 мүнөт ичинде колдонуучу (Катталган: , коноктор: ) бул окуяга кирди:

Окуялар:: 9089;