Бишкекте Чубак Сатаевдин 55 жылдыгына карата эскерүү концерти өтүүдө

Бүгүн, 23-апрелде Токтогул Сатылганов атындагы Улуттук филармонияда Чубак Сатаевдин 55 жылдыгына карата эскерүү концерти өтүүдө. Ошондой эле “Чубактын ак батасы” аттуу ыр жыйнагынын бет ачары болду. Салтанаттуу иш-чарага маданият ишмерлери, кыргыз эстрада ырчылары катышууда. Эл алдына Саламат Садыкова, Кундуз Авашова, куудул Күмөндөр Абылов чыгып, Чубак Сатаев жөнүндө эскерип кетишти.

Концерттин уюштуруучусу Кубаныч Сатаев: “Концерттин алдында атамдын арбагына багыштап куран окутуп, тамак-аш уюштурдук. Атамдын теңтуштары келип ак батасын берип жатышат. Элдин көбүнөн эле атамдын күйөрмандары дагы деле көп экенин көрсө болот”,- деди.