Чемпиондор Лигасы: Криштиану Роналду 3 гол киргизди, "Манчестер Сити" жана "Манчестер Юнайтед" утулууга мажбур болушту

16-сентябрга караган түнү УЕФАнын Чемпиондор Лигасынын тайпалык баскычында алгачкы оюндар болуп өттү. Алгачкы 4 тайпада орун алган оюндарда күтүлбөгөн жыйынтыктар да катталды. Мисалы, Англиянын вице-чемпиону "Манчестер Сити" өз үйүндө "Ювентуска" утулуп, 3 упайдан куру калды. Ошондой эле "Манчестер Юнайтед" конокто ПСВ менен ойноп, эсепти ачкан. Бирок "Кызыл ажыдаарлар" аталган "Юнайтеддин" атаандаштары бир муштумга түйүлүп, 2 гол менен жооп бергенге жетишти. 

Күндүн башкы окуясы катары "Реалдын" чабуулчусу Криштиану Роналдунун украиналык "Шахтёрдун" дарбазасына 3 гол киргизгенин айтсак болот. Оюн 4:0 эсебинде жыйынтыкталды. Роналду муну менен Чемпиондор Лигасынын тарыхындагы мыкты бомбардирге айланды (80 гол). Ал эми анын башкы атаандашы Лионель Мессинин эсебинде 77 гол бар.     

“А” тайпасы

ПСЖ (Франция) – “Мальмё” (Швеция) - 2:0

Голдор: Анхель Ди Мария (4-мүнөттө). Эдинсон Кавани (61-мүнөттө).

“Реал” (Испания) - "Шахтёр” (Украина) - 4:0

Голдор: Карим Бензема (30-мүнөттө), Криштиану Роналду (55-мүнөттө, пенальти), Криштиану Роналду (63-мүнөт, пенальти), Криштиану Роналду (81-мүнөттө).

“В” тайпасы

“Вольфсбург” (Германия) - ЦСКА (Орусия) - 1:0

Гол: Юлиан Дракслер (40-мүнөттө)

ПСВ (Голландия) – “Манчестер Юнайтед” (Англия) - 2:1

Голдор: Мемфис Депай (41-мүнөттө), Эктор Морено (45-мүнөттө), Лучано Нарсинг (57-мүнөттө). 

“С” тайпасы

“Галатасарай” (Түркия) – “Атлетико” (Испания) - 0:2

Голдор: Антуан Гризманн (18-мүнөттө), Антуан Гризманн (25-мүнөттө).

“Бенфика” (Португалия) – “Астана” (Казакстан) - 2:0

Голдор: Николас Гайтан (51-мүнөттө), Костас Митроглу (62-мүнөттө). 

“D” тайпасы

“Манчестер Сити” (Англия) – “Ювентус” (Италия) - 1:2 

Голдор: Жоржо Кьеллини (өз дарбазасына, 57-мүнөттө), Марио Манжукич (70-мүнөттө), Альваро Мората (81-мүнөттө).

“Севилья” (Испания) – “Боруссия” (М, Германия) - 3:0

Голдор: Кевин Гамейро (47-мүнөттө, пенальти), Эвер Банега (66-мүнөттө, пенальти), Евгений Коноплянка (84-мүнөттө).