Кубанычбек Саркөбөнов, фермер: "Ар кандай митингдер дыйканчылык иштерге тоскоол болууда"

Өлкөдө болуп жаткан ар кандай митингдер жазгы талаа иштерин басаңдатып жатат. Бул тууралуу бүгүн, 5-мартта пресс-тур учурунда Ысык-Көл облусунун Түп районундагы Түп айылында жайгашкан "Элдияр" үрөн, тоют чарбасынын башчысы Кубанычбек Саркөбөнов билдирди. "Митингдер эл арасында талаш-тартыш жаратууда. Ошондуктан дыйкандар мындай иштерге катышпай эле койсо жакшы болмок",- дейт ал. Айта кетсек, бул чарбанын карамагындагы 350 гектар аянт былтыр дыйканчылык үчүн колдонулуп, анда 100 тонна эгин өндүрүлгөн.