ЖЫЛНААМА, 28-МАРТ: Бүгүн ырчы Актан Исабаев туулган күнүн үй-бүлөсү менен тосот

Бүгүн, 28-мартта белгилүү ырчы, Кыргыз Республикасынын Эмгек сиңирген артисти Актан Исабаев 44 жашка толду. Ырчыны өздүк майрамы менен куттуктап, туулган күнүн кандай майрамдап жатканын билүү үчүн байланышка чыктык.

"Бүгүн мен үчүн кадимкидей эле жумуш күн. Таӊ эртеден бери телефон чалышып, почтама куттуктоолор келип жатат. Быйыл мага өзгөчө көӊүл бурулуп жатабы, билбейм, телеканалдардын биринен да куттукташты. Алардын катарында силер да барсыӊар. Албетте, бул нерсе адамды кубандырат. Жакшы каалоо-тилектериӊиздер үчүн сиздерге чоӊ рахмат!
Убакыттын өтүшү менен үй-бүлөӊ менен эле тынч майрамдаганды самап калат экенсиӊ. Бул жолу да жакын адамдарымдын, үй-бүлөмдүн курчоосунда туулган күнүмдү белгилеп коёбуз",- деп билдирди.

28-марттын жылнаамасы.