Интернетте "Мамлекеттик мүлктү башкаруу фондундагы коррупциялык схемалар" деген аудиожазуу тарады

Интернет айдыңында "КРнын Өкмөтүнүн алдындагы Мамлекеттик мүлктү башкаруу фондундагы коррупция" деген аталыштагы аудиожазуу тарады. Анда аталган фонддун жетекчилери делген адамдар мамлекеттик акционердик компанияларда өлкөнүн кызыкчылыктарына каршы туруктуу коррупциялык схемаларды түзүп жатканы угулууда.

"Мамлекеттик мүлктү башкаруу фондунун төрагасы Алмаз Кадыркулов менен анын кеңешчиси Кубаныч Шатемиров "Сүлүктү көмүр" ишканасынын экс-башкы директору Адыл Абдурахмановдун жеке кызыкчылыктарын коргоо үчүн ишкананын Директорлор кеңешинин төрагасы У.К.Нурбаевге карата жасалма кылмыш ишин козгоп, аны кызматтан кетүүгө мажбурлап жатат", - деп айтылат аудиожазуу башталар алдында.