КИНОЗАЛ: Эгиз балдардын бир күндүк жашоосу, кош бойлуулук жана бойдон алдыруу маселелери "Өмүр бешиги" тасмасында

"Кинозал" бөлүмүндөгү даректүү тасма - "Өмүр бешиги". Тасма 2010-жылы тартылган, режиссёру - Асел Жураева, продюсерлери - Темир Бирназаров, Эмир Сарпашев.

Бул тасма тууралуу колдонуучулар мындай билдирүүлөрдү калтырышкан:

"Менин түшүнүгүм боюнча, ушунча түйшүккө карабай төрөп койсоң, кичине торолуп калса, өзү менен өзү жүрө берет, эч зыяны тийбейт деген мааниде болуш керек".

"Бала - бакыт, кубаныч, жашоонун маңызы, учубуздун улантуучулары. Эмнеге мааниси түшүнүксүз, билбейм? Кирдин суусун эле эмес, ылайдан токоч жасады деп ойноп, ошону жечү эмес белек... Ошентип биз дүйнөнү тааный баштаганбыз. Жаш балдардын кубанычтуу күлкүсү угулуп турса, демек, жашообуз жайында деп билсек болот".

"Боюнан алдыргандарга сабак болсун деп баланын ушундай ширин экенин жеткиргиси келген".

Тасмада эгиз балакайлардын бир күндүк жашоосу чагылдырылган. Күн менен түн сыңарындай, тасмада кош бойлуулук жана бойдон алдыруу маселеси да көрсөтүлгөн.

"Өмүр бешиги" тасмасын бул жерден көрүңүз.