Москва районундагы күйүп кеткен үйдүн ичинен 3 жашар баланын жансыз денеси табылды

6-июнда саат 09:45 чамасында Чүй облусундагы Москва районунун Александровка айылынын Чапаев көчөсүнүн №45-дарегинде жайгашкан турак үйдөн өрт чыккан.

Жыгач устундуу, темир менен жабылган, аянты 150 чарчы метр турак үйдүн чатыры, бөлмөдөгү диван, шкаф, кийим-кечелер күйгөн. Өрттүн себеби такталууда.

Өзгөчө кырдаалдар министрлигинин басма сөз кызматы өрт чыккан жерден 2013-жылы туулган Л.И.Э. аттуу жаш баланын жансыз денеси табылганын билдирди.