МЕДИА-ПОРТАЛ: "Сүйүү кемеси" клибин тартууда жатарга жер жок болуп, боз үйдү ижарага алганбыз" дейт Ильяз Андаш

Жаратылыштын кооздугу, кызыктуу кадрларды "Медиа-портал" бөлүмүндө жайгашкан Ильяз Андаштын "Сүйүү кемеси" ырынын клибинен табууга болот. Бул клип узак убакытта тартылып бүткөнүн жана кыйынчылыктар да болгонун айтат ырчы.

"Сүйүү кемеси" деген чыгармамда эки адамдын ортосундагы сүйүү эле эмес, ички сезимдердин сүйүүсү айтылат. Ырдын клиби узак убакытта тартылды. Клиптин режиссёру - Санжар Абдыжапаров. Жаратылышты, кооз жерлерди тартуу үчүн атайын камералар алынды.

Бир жолу съёмка учурунда Балыкчы шаарына эрте барып алып, тартуучу топту бир күн кечке күттүм. Көрсө, алар техникаларды ала албай кечигип калышыптыр. Анан кечинде жатарга жер жок, бир боз үйдү ижарага алып, ошол жерде үшүп жаттык. Көп эле кызыктуу учурлар болду. 9 айда тартылып, болжол менен 100 миң сомдой каражат кетти", - деп билдирди Ильяз Андаш.

Ильяз Андаштын "Сүйүү кемеси" ырынын клибин бул жерден көрүңүз.