Евро-2016: Италия курамасы Ирландияны кийинки баскычка чыгарды, Ибрагимович чемпиондук менен коштошту (фоторепортаж)

Швеция курамасы

Бельгия курамасы

Бельгиялыктар Златан Ибрагимовичке эч кандай мүмкүнчүлүк беришкен жок.

Наингголан топту дарбазага багыттап жатат.

Бельгиялыктар жеңиш голун белгилеп жатышат.

Швеция-Бельгия беттеши. Дрис Мертенс (алдынкы планда) швециялык Виктор Линделефке артын салып, топ токтотуу аракетинде...

Бельгиялык Кевин Де Брейне кезектеги чабуулунда...

Жеңилүү ызасын тарткан Златан Ибрагимович

Италия-Ирландия беттеши. Роберт Брэди жеңиш голун киргизүүдө...

Италиялык Симоне Дзадза (№7) атаандашы менен топ үчүн күрөштө...

Ирландиялыктардын кубанычында чек жок.

Ирландиянын чыгаан футболчусу Робби Кин командасынын италиялыктарды утканына маашыр болуп турган маалы...

Франциядагы футбол боюнча Европа чемпиондугунда тайпалык оюндар жыйынтыкталды. 22-июнда "Е" тайпасында 2 беттеш орун алып, айрым командалар кийинки турга чыгуу үчүн болгон аракеттерин жумшашты.

Жыйынтыгында бул тайпада Златан Ибрагимович баштаган Швеция курамасы Бельгияга утулуп, мелдештен четтеп калды. Ал эми алгачкы 2 турда плей-офф жолдомосуна ээ болгон Италия курамасы Ирландияга утулуп, атаандашынын кийинки баскычка чыгуусун камсыздады.

Швеция-Бельгия - 0:1

Гол: Наингголан (84-мүнөттө)

Италия-Ирландия - 0:1

Гол: Брэди (85-мүнөттө)

Бул тайпадан Италия, Бельгия, Ирландия плей-офф баскычына чыгышты. Алардын 1/8 финалдагы атаандаштары:

Бельгия-Венгрия

Италия-Испания

Ирландия-Франция