Турдакун Ниязалиев Түркиянын Стамбул шаарында өнөрүн көрсөтүп келди

"Жубайыма" аттуу чыгармасы менен калың элге таанылган ырчы Турдакун Ниязалиев өткөн жумадаТүркиянын Стамбул шаарында "Дүйнө мусулмандары Султангазыда" долбоорунун алкагында уюштурулган ооз ачуу иш-чарасында өз өнөрүн көрсөтүп келди. Бул тууралуу ырчы SUPER.KG порталына билдирди.

"Дүйнө мусулмандары Султангазыда" долбоорунун алкагында уюштурулган ооз ачуу иш-чарасында күн сайын 1000дей адамга дасторкон жайылып, башка ислам өлкөлөрүнөн диний ырларды ырдаган ырчылар чакырылып турат экен. 24-июнда конок болуп, "Жубайыма" жана башка ыйманга чакырган диний ырларды ырдап келдим. Ошондой эле комуздун коштоосунда да жандуу чыгарма аткардым. Шаарда баратып менин сүрөтүм коюлган афишаларды көрүп кубандым, сыймыктануу сезими пайда болду. Чыгармаларымды көрүүчүлөр абдан жакшы кабыл алышты", - деп билдирди Т.Ниязалиев.