Төрт айдан бери шайланбай келе жаткан коалициялык көпчүлүктүн лидери болуп Канат Исаев шайланды

Жогорку Кеңештеги коалициялык көпчүлүктүн лидери болуп Канат Исаев шайланды. Мындай чечим коалициялык көпчүлүккө кирген фракция лидерлеринин жабык эшик артында өткөн жыйында кабыл алынганын журналисттерге "Өнүгүү-Прогресстин" лидери Бакыт Төрөбаев билдирди.

"Күн тартибинде комитеттин төрагасы, коалициялык көпчүлүктүн ишмердүүлүгү жана анын лидери тууралуу сүйлөшүү жүргүздүк. Лидер болуп Канат Исаев шайланды. Ал эми Конституциялык мыйзамдар, мамлекеттик түзүлүш, сот-укуктук маселелер жана парламент регламенти боюнча комитетинин төрагасынын кызмат ордуна КСДП өзүнүн талапкерин, "Өнүгүү-Прогресс" өзүнүн талапкерин сунуштамай болду", - деди Төрөбаев.