Кадамжай районундагы Жылкы-Камоо жайытында өрт чыкты

Кадамжай районундагы Жылкы-Камоо жайытында өрт чыкты. Бул тууралуу бүгүн, 3-ноябрда Өзгөчө кырдаалдар министрлигинен билдиришти.

Маалыматка ылайык, 2-ноябрь күнү Майдан айыл өкмөтүнүн Пум айылынын жогору жагындагы Жылкы-Камоо жайытында аска-зоонун үстү жагы күйүп жатканы тууралуу билдирүү түшкөн. Райондук токой чарбасынын кызматкерлери окуя болгон жерге жөнөп, бирок кеч кирип калгандыктан өрт болгон жерге жетпей кайра кайтып келишкен.

"Бүгүн, 3-ноябрда саат 7:30да райондук токой чарбасынын кызматчылары, жергиликтүү калктын өкүлдөрү ӨКМнын Кадамжай райондук бөлүмүнүн башчысы менен биргеликте өрт чыккан жерге иликтөө жана тиешелүү жумуштарды аткаруу үчүн жөнөп кетишти. Кошумча маалымат берилет", - деп айтылат маалыматта.