Бишкектеги уурдалган сакура көчөттөрү тууралуу дүйнөлүк ММКларда жарыялана баштады

Кытайдын массалык маалымат каражаттарында жана интернет булактарында Бишкек шаарындагы 14 сакура көчөттөрү уурдалгандыгы тууралуу маалымат тарап кетти. Тараган маалыматтарда 6-апрелдеги өлкөнүн президенти менен Кыргызстандагы Япониянын элчиси Такаюки Коикенин катышуусундагы сакура отургузуу аземи тууралуу баяндалган. Ошондой эле сакура көчөттөрүн 2011-жылдын 18-мартындагы Япониядагы зилзалада Кыргызстан көрсөткөн жардамы үчүн ыраазычылык иретинде берилгендиги да айтылган. Эске сала кетсек, аталган табигый кырсыкта Кыргызстан Японияга 2,5 тонна минерал суусун жеткизип берген.