“Мисс Кыргызстан-2013” сулуулар сынагынын тандоо туру башталды

“Мисс Кыргызстан-2013” сулуулар сынагынын тандоо туру башталды. Иш-чарага 16 жаштан 23 жашка чейинки, бою 168 сантиметрден өйдө, дене түзүлүшү 90-60-90 өлчөмүнө жооп берген, Кыргызстандын жараны болгон кыздар катыша алышат. Ал эми сынакка катышууну каалап, бирок 18 жашка толо элек кыздар ата-энесинен уруксат алышы керек. Тандоо турунан өткөн кыздар 12-майда өтө турган “Мисс Кыргызстан-2013” сынагына катышат. Аталган сынакта жеңүүчү болгон сулуу 2013-жылдын 28-сентябрында Индонезияда өтө турган "Дүйнө сулуусу-2013" сынагына катышууга жолдомо алат.