Владимир Путин менен бир унаада чиркөөгө келген белгисиз адам кызуу талкууга алынууда

Орусиянын президенти Владимир Путиндин Валаам чиркөөсүнө болгон сапарында аны менен чогуу келген белгисиз жүргүнчү окурмандар арасында кызуу талкуу жаратты. Бул туурасында аталган өлкөнүн маалымат каражаттары жазып чыгышты.

"Путин чиркөөнүн короосуна өзү айдап келген жол тандабастын арткы эшигин ачкан маалда кызыл кийимчен белгисиз жүргүнчү отуруптур. Ал андан бир нерсе сурап кайра бат эле эшикти жапты. Тилекке каршы, Путин менен чогуу унаада келген адамдын жүзү байкалган эмес. Бул көрүнүштү жергиликтүү телеканалдардын оператору тартып калган. Президенттин маалымат катчысы Дмитрий Песков белгисиз адамды коопсуздук кызматкери экендигин, Путин андан күрмөсүн сурап кайрылгандыгын айткан. Айта кетсек, Орусиянын өлкө башчысы 11-июлда Валаамга 2 күндүк жумуш сапары менен барган. Путинди Спасо-Преображенск чиркөөсүнөн Патриарх Кирилл тосуп алды", - деп жазылат маалыматта.