Орусияда Сириядагы согуштук аракеттерге үндөгөн Кыргыз жараны 6 жылга соттолду

Орусияда Сириядагы согуштук аракеттерге үндөгөн Кыргыз жараны 6 жылга соттолду. Бул тууралуу орусиялык маалымат каражаттары жазышты.

Маалыматка караганда, соттолгон 36 жаштагы Л.Хакимов аттуу Кыргыз жараны 2015-жылы Астрахань шаарынын тургунун Сириядагы согуштук аракеттерге катышууга үндөгөн. Ал ага тагылган айыптарды толугу менен моюнуна алып, тергөө менен тыгыз иштешкен.

Л.Хакимов багуусунда аялы жана 5 баласы бар экенин айтып, соттон кечирим сураган. Сот аны 6 жылга эркинен ажыратып, жазасын жалпы режимдеги абактан өтөй турганы белгиленген.