3-майда кырсыкка кабылган КС-135 учагынын айынан 100 гектар жер жараксыз абалга келди

3-майда кырсыкка учураган “Манас” аэропортундагы АКШнын жүк ташуучу транзиттик борборунун учагы Панфилов районуна олуттуу зыян алып келди. Бул тууралуу аталган районго караштуу Чолок-Арык айылынын тургундары 20-майда маалымат жыйында билдиришти. Алардын айтымында, кырсыктын айынан 100 гектар айдоо жери жараксыз абалга келди. 

Айта кетсек, 3-майда аталган борбордун май ташуучу учагы асманда жарылып, анын калдыктары аталган айылдын аймагына түшкөн. Техника калдыктарынан агып чыккан май эл пайдаланган сууга куюлганы да кабарланган болчу. Ал эми кырсыктан учактагы 3 кызматкер каза тапкан.