Супер-Инфо
super.kg видео
ЭЛДИК КАБАР: "Каракол шаарындагы "Ак-Тилек" базарынын ортосуна үйүлгөн таштанды 1 айдан бери алынбай жатат" дейт окурман
Каракол шаарындагы "Ак-Тилек" базарынын дал ортосунда топтолгон таштанды алынбай жатат. Бул абалды SUPER.KG'нин окурманы сүрөткө тартып WhatsApp аркылуу билдирди.
Окурмандын маалыматына ылайык, аталган базардагы таштандынын алынбай жатканына 1 айга жакындап калды. Ага жакын эле жерде мөмө-жемиштер сатылат. Таштандыга жашылча, тамак-аш баары ылганбай ыргытылгандыктан анын айланасына жагымсыз жыт келип турат.
"Тазалыктын сакталбагандыгынан улам чымын көбөйүүдө. Алар адамдарга ар кандай ооруларды жуктуруусу мүмкүн деп кооптонобуз", - деп жазат окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
Ошол жерге таштанды таштоочу бункерлерди жайгаштыруу керек жана бир кундо жок дегенде 2 жолудан бошотуп туруу керек. Корунгон жерге таштанды таштагандарга штраф салып, административдик жоопко тартуу керек!