Якутияда кыргыздар жашаган жатакана күйүп кеткенин кабарлаган мекендешибиз "Элдик кабардын" июль айындагы жеңүүчүсү болду

Орусиядагы өрт кырсыктары тууралуу сөз болгондо ар бир Кыргыз жараны жүрөк үшүн алган окуяларды эстеп өтөрү айкын. Буга чейин чет жерде жүргөн мекендештерибиздин башына түшкөн оор күндөр бүткүл кыргыз элин кайгыга салган.

Алсак, 2016-жылы 31-январда Москвадагы Стромынка көчөсүндө болгон өрттөн 8 Кыргыз жараны каза болгон. Ошол эле жылдын 27-августунда Москва шаарында жайгашкан басмаканадан өрт чыгып, 17 кыргыз кыз-келиндери көз жумган.

"Өлкөбүздө жыргал жашоо болгондо бөтөн элде иштемек эмеспиз" деп эмгек мигранттарынын түрдүү шарттарда иштеп, ар кандай окуяларга туш болуп жатканына күбө болуп жатабыз.

14-июлда Якутиянын Мирный шаарындагы Комсомол көчөсүндө жайгашкан 40-үйдө Кыргыз, Тажик, Өзбек жарандары жашаган жатакана толугу менен күйүп кетти. Бактыга жараша, адамдар оор жаракаттарды алышкан эмес.

Дал ушул маалыматты кабарлаган мекендешибиз Нурила Азимканова "Элдик кабардын" июль айындагы жеңүүчүсү болду.

"Өрт учурунда качып чыгып жаткандарды көрүп ыйлап турдук. Окуя болгон күнү ата-энем уктабай түнү менен ойлонуп чыкты. Былтыр Москвадагы өрттөн каза болгон мекендештерибизди апам эстеп ыйлады", - деген Нурила Азимканова да Кыргыз мамлекетинде жумуш болсо Якутияда иштеп жүрмөк эмеспиз деген пикирин айтты.

"Кырсыктан кийин бул жакта жашаган Кыргыздар жабыркагандарга колдон келген жардамын беришти. Алар 1000-2000 рублдан акча, кийим-кече, төшөк-жууркандарды берип жатышты. Кыргыз диаспорасы да колдоо көрсөттү. Документтерди жасаганда да жардам бере тургандарын билдиришкен. Кыргызда жумуштун жоктугунан бөтөн жерде жүрөбүз да. Өлкөбүздө жумуш болсо мен да жакындарымдын жанында иштеп жүрмөкмүн. Бул жакта Кыргызды көрүп калсак сүйүнөбүз", - дейт Азимканова.

"ЭЛДИК КАБАРдын" 2017-жылдагы жеңүүчүлөрү: