Жогорку Кеңештин жыйынында телефон аркылуу сүйлөшкөн чиновник депутаттан кагуу жеди

Бүгүн, 2-ноябрда Жогорку Кеңештин жыйынында телефон аркылуу сүйлөшкөн чиновник "Өнүгүү-Прогресс" фракциясынын лидери Бакыт Төрөбаевден кагуу жеди.

"Ушул жерде өкмөт мүчөлөрү, жергиликтүү бийлик өкүлдөрү, электр тармактарынан кызматкерлер отурат. Бир тартипти айтып түшүндүрүп койсоңуздар. Мен сүйлөп жатканда "Жалал-Абад электр" ишканасынын башкы инженери телефон менен сүйлөшүп отурат. Бул эмне деген мамиле? Же телефонун таштап келсин, же башкача чараларды карагыла. Бул жерге депутаттардын алдына келгенден кийин аларды сыйлап, жакшына отуруп, жакшына уксун сөздөрдү", - деп талап кылды Төрөбаев.

Чиновниктин бул кылыгы үчүн вице-премьер-министр Дүйшөнбек Зилалиев депутаттардан кечирим сурады.

Айта кетсек, бүгүн Зилалиев баштаган өкмөт мүчөлөрү 2017-2018-жылдардагы күз-кыш мезгилине карата даярдыктар боюнча маалымат берип жатат.