Талас облусуна башчы болуп аталган дубандын мурдагы губернаторунун бир тууган иниси Марат Мураталиев дайындалды (толукталды)

Марат Мураталиев өкмөттүн Талас облусундагы ыйгарым укуктуу өкүлү болуп дайындалды. Бул тууралуу бүгүн, 4-декабрда өкмөттүн басма сөз кызматы билдирди.

Маалыматка ылайык, тийиштүү буйрукка Сапар Исаков кол койду.

Эске салсак, буга чейин бул кызматты вице-премьер-министр Дайыр Кенекеев аркалап келген. Марат Мураталиев 1967-жылы 23-июнда Кара-Буура районунун Аманбаев айылында туулган. Марат Мураталиев 1985-1987-жылдары аскер кызматын өтөгөндөн кийин, Фрунзе шаарындагы кооперативдик техникумду бүтүргөн.

- 1992-2007-жылдары жеке ишкер;

- 2007-жылы Талас шаарындагы “Арсенал-Курулуш" компаниясынын директору;

- 2007-2012-жылдары Кара-Буура райондук кеңешинин депутаты;

- 2012-2015-жылдары Талас шаардык кеңешинин депутаты;

- 2016-жылы Талас облустук капиталдык курулуш башкармалыгынын жетекчиси.

Ал мурдагы Талас облусунун экс-губернатору Байымбет Мураталиевдин бир тууган иниси. Бул кызматта Байымбет Мураталиев 2006-2008-жылдары иштеген.