Бишкекте суукка тоңуп каза болгон эркек кишинин жансыз денеси табылды

Бишкекте эркек киши суукка тоңуп каза болду. Бул тууралуу Өзгөчө кырдаалдар министрлигинин маалымат кызматынан кабарлашты.

Маалым болгондой, 29-январь күнү саат 22:00 чамаларында Фрунзе көчөсүндөгү жылуулук өтүүчү түтүктөн азиат улутундагы эркек адамдын жансыз денеси табылган.

Ал болжолдуу түрдө 30-40 жаштарда болгон. Министрликтин куткаруучулары анын жансыз денесин алып чыгып, милиция кызматкерлерине өткөрүп беришти. Учурда милиция кызматкерлери маркумдун аты-жөнүн тактоо иштерин жүргүзүп жатат.