Индиялык кыз акча табуу максатында өзүн эркек катары тааныштырып, 2 жолу үйлөнгөн

Индиялык кыз акча табуу максатында өзүн эркек катары тааныштырып, 2 жолу үйлөнгөн. Бул тууралуу чет элдик маалымат каражаттары жазып чыгышты.

Белгилүү болгондой, ал Индияда кыздардын калыңына берилүүчү акча менен байыгысы келген. Кыздын кылмыштуу иштери анын биринчи "аялынын" ата-энеси полиция кызматкерлерине кайрылганда гана маалым болгон. Жабыр тарткандардын билдирүүсү боюнча мурдагы "күйөө баласы" алардан кызы үчүн калың талап кылып, мындан сырткары өзүнүн жеке ишин ачуу үчүн 13 миң доллар карызга алып кайтарып берген эмес.

Кылмышка шектүүнүн жынысы аял экени медициналык кароодон кийин белгилүү болгон. Кийинчерээк аныкталгандай, кылмышкер 2014-жылы да үйлөнүп, көпкө жашабай ажырашып кеткен. Андан соң кайрадан 2017-жылы үйлөнгөн. Аялдарынын көзүнчө чечинбегендиктен жана алар менен сексуалдык байланышка барбагандыктан кылмышкердин кыз экенин эч ким билген эмес.