Улуттук статистика комитети: "Өлкөдө калктын 49,5 пайызын эркектер түзөт"

Республикадагы калктын 49,5 пайызын эркектер түзөт. Бул тууралуу Улуттук статистика комитетинин басма сөз кызматы билдирди.

Маалыматка ылайык, 2017-жылдын башында эркектердин саны 3 миллиондон ашык адамды түзгөн. Ал эми эркектердин үчтөн экиси – айыл тургундары. Ар бир жетинчи эркек Бишкек шаарында жашайт. Эмгекке жөндөмдүү курактагы эркектердин 76 пайызынын жумушу бар. Иштеген эркектердин орточо курагы 37 жашты түзөт.

Улуттук статистика комитетинен билдиргендей, өлкөдөгү эркектер 20-29 жашында үй-бүлө түзүүгө ниеттенишет. Никеге турган ар бир үчүнчү эркек 20–24 жашта же болбосо 25–29 жаш курагындагылар.