Алмазбек Эргешов, депутат: "Сапатсыз жол курган компанияларды жазага тартуу зарыл"

Бишкекте жалпы 1300 чакырым жол болсо, анын 700 чакырымдан ашыгы, 58 пайызы оӊдоого муктаж. Бул тууралуу 15-мартта Жогорку Кеӊештин жыйынында депутат Алмазбек Эргешов айтып, жолдордун сапаты талапка жооп бербей жатканын билдирди.

"Былтыр эле курулган жолдор быйыл кайра оӊдоого муктаж. Мисалы, Донецский, Күрөӊкеев өӊдүү көчөлөр 1 жыл мурда жаӊыланган, бүгүн талкаланып жатат. Жол - стратегиялык маанидеги иш, элдин жашоосу түздөн-түз жолдорго байланыштуу. Өкмөт Бишкектеги бардык жолдорду бир сыйра текшерүүдөн өткөрүшү керек. Сапатсыз жолдорду кимдер куруп, аларды кимдер кабыл алууда? Тендерден утуп алып, сапатсыз жол курган компанияларга кандай чара көрүлүүдө? Аларды "кара тизмеге" киргизип жатышабы? Жолдорду сапатсыз курган компанияларга кылмыш ишин ачып, катуу чара көрүү керек", - деди Эргешов.

Айта кетсек, 2017-жылы Бишкек шаарында 49 көчө жаӊыланган. 2018-жылы шаарда жалпы 100дөн ашык көчөнү оӊдоо пландалууда.