Өлкөдөгү энергетикалык системдин 60 пайызы эскиргени айтылды

"Өлкөдөгү энергетикалык системдин 60 пайызы эскирген", - деп бүгүн, 23-мартта журналисттерге Өнөр жай, энергетика жана жер казынасын пайдалануу мамлекеттик комитетинин төрагасынын орун басары Азамат Оморов билдирди.

Оморов учурда энергиянын кайра жаралуучу булактарын өнүктүрүү боюнча мыйзам долбоору иштелип жатканын билдирип, учурдагы энергетикалык жабдыктардын абалына токтолду.

"Учурда дүйнөдө энергиянын кайра жаралуучу булагы өнүгүп жатат. Бул күн нурунан, суу жана башка табигый байлыктар аркылуу энергетиканы өндүрүүнүн жолу. Азыр бул багыттагы мыйзам Жогорку Кеңеште абдан талкууланып жаткан чак. Бирок негизги маселе тарифте. Алардын тарифтери жогору болгондуктан энергетикалык тармак аркылуу компенсацияланат. Ал эми биздин энергетика тармагыбыз компенсация кылып бере албайт. Анткени энергетикалык системдеги жабдыктардын 60 пайызы эскирген", - деди Оморов.