Өзбекстанда окуучу кыз мугалиминен төрөдү

Өзбекстанда 15 жаштагы окуучу кыз мугалиминен төрөдү. Кыздын апасы баланы сатууга аракет кылган. Бул тууралуу чет элдик басылмалар жазып чыгышты.

Маалыматка караганда, 38 жаштагы мугалим, 15 жаштагы окуучусун боюнда кылып койгон. Кыз бул тууралуу эч кимге ооз ачкан эмес. Анткени ал кош бойлуу болуп калганын өзү дагы түшүнгөн эмес.

5 айлык боюнда бар кезинде апасы байкап, кызын туугандарыныкына жиберген. Ал эми мектепке "өнөкөт невроз оорусунан айыгуу үчүн көп убакытка ооруканага жаткырылды" деп айткан.

Териштирүүдө ачыкталгандай, кызы төрөгүчө энеси баланы сатуу үчүн кардар издештире баштаган. Бир таанышы чалып, жакшы жашаган үй-бүлөнүн баласы жоктугун айткан. Кыздын апасы ымыркайды ошол үй-бүлөгө сатуу учурунда укук коргоо органдары тарабынан кармалган. Сот кыздын апасын 8 жылга, кыздын өзүн 3 жылга, мугалимди 3 жылга эркинен ажыраткан.