Эми WhatsApp аркылуу эки колдонуучунун бири-бири менен сүйлөшкөн же сүйлөшпөгөндүгүн билип алууга болот

WhatsApp тиркемесинен жаңылык. Мындан ары аталган тиркеменин колдонуучулары өзүнө керектүү адамдардын акыркы аракеттери менен кабардар боло алат.

Тактап айтканда, бул үчүн алгач App Store дүкөнүнөн Chatwatch деген тиркемени көчүрүп алуу керек. Андан соң колдонуучу акыркы жолу качан онлайн режимде болгондугун көрсөтүүчү функцияны өчүрүп койгонуна карабай, бул тууралуу кабардар боло аласыз. Ал гана эмес, анын качан уктоо үчүн жатканын жана ойгонгонун билүү мүмкүнчүлүгү түзүлөт. Ошондой эле эки колдонуучуну тандап, бир жума ичинде алардын бири-бири менен сүйлөшкөнүн же сүйлөшпөгөнүн да аныктоого болот. Бирок мындай мүмкүнчүлүк Android системинин колдонуучулары үчүн жеткиликтүү эмес.

Белгилей кетсек, тиркемени көчүрүү акылуу. Ал үчүн 1,99 доллар керектелет. Тиркемени көчүрүүдөн түшкөн каражат АКШнын президенти Дональд Трампка каршы түзүлгөн көз карандысыз уюмду каржылоого жумшала турганы айтылат.