Бразилиянын мурунку президенти 12 жылга соттолду

Бразилиянын мурунку президенти Луис Инасиу Лула да Силва полицияга өзү колго түшүп берди. Бул тууралуу чет элдик басылмалар жазып чыгышты.

Маалыматка караганда, экс-президент коррупциялык иштерге аралашкан деп айыпталып, 6-апрелде аны кармоо боюнча Федералдык соттун чечими чыккан. "Бирок ал өзүнө карата тагылган айыптарды четке кагып, бул чечимге баш ийбей жүргөн. Сан-Бернарду-ду-Кампу шаарында камакка алынган президент тик учак менен Сан-Паулу шаарындагы полиция бөлүмүнө жеткирилген. Бразилия Жогорку Соту мурунку президентти 12 жылга эркинен ажыратуу чечимин чыгарган жана ал жазасын өтөө үчүн өлкөнүн түштүгүндөгү Куритиба шаарына жөнөтүлдү", - деп жазылат маалыматта.

Луис Инасиу Лула да Силва Бразилияны 2003-жылдан 2011-жылга чейин башкарган. Ушул жылы өтүүчү президенттик шайлоодогу эң негизги талапкерлердин бири болгон.