Японияда ит темир жол станциясынын жетекчиси болуп дайындалды

Японияда ит темир жол станциясынын жетекчиси болуп дайындалды. Бул тууралуу чет элдик маалымат каражаттары жазып чыгышты.

Маалыматка ылайык, Япониядагы темир жол станциялардын бирөөнө Васао аттуу ит жетекчи болуп дайындалды. Васаого милдетин аткарууга жардамчы катары анын аялы Цубаки жана алардын кызы Тёмэ дагы ишке алынган. Итти салтанаттуу түрдө кызматка дайындоо Аздигасава шаарындагы станцияда болуп өткөн. Васаонун негизги милдети станцияга келген ар бир поездди тосуп алуу болуп саналат.

Васаону мындан бир нече жыл мурун 71 жаштагы сатуучу Сэцуко Кикуя көчөдөн таап алган. Жергиликтүү жашоочулардын бири ит менен түшкөн сүрөтүн интернетке жарыялаган. Бул сүрөт аз убакыттын ичинде эле популярдуулукка жетип, жергиликтүү тургундар Васаону таанып калышкан.

Айта кетсек, 2007-жылы Кинокава шаарындагы темир жол станциясынын жетекчиси болуп Тама аттуу мышык дайындалган.