Лондондо атайын иттер үчүн бар ачылды

Лондондо Smith&Whistle&Max эс алуучу жайында иттер үчүн атайын бар ачылды. Бул тууралуу чет элдик басылмалар жазып чыгышты.

Маалым болгондой, Улуу Британияда апрель үй жаныбарларынын айы катары саналат. Мындан улам аталган эс алуучу жай иттер көңүл ача турган шарттарды даярдап, алардын тамак-аштарынан тартып, кымбат баалуу ичимдик-суусундуктарына чейин сатыкка чыгара баштаган. Эс алуучу жайдын жетекчилери иттер үчүн даярдалган коктейлдер алардын ден соолугун чыңдай турганын кошумчалаган.

Белгилей кетсек, иттер менен чогуу эс ала турган жайлар АКШда басымдуулук кылат.