ЖЫЛНААМА, 12-АПРЕЛЬ: Жогорку Кеңештин депутаты Абдумажит Юсуров 54 жашка толду

Жогорку Кеңештин депутаты Абдумажит Юсуров 1964-жылдын 12-апрелинде Ысык-Көл облусунун Жети-Өгүз районундагы Ырдык айылында төрөлгөн. Ал 1985-жылы Кыргыз мамлекеттик университетин география адистиги боюнча аяктаган.

Эмгек жолун 1986-жылы Пржевальск институтунун Ботаника жана химия кафедрасында окутуучу болуп иштөө менен баштаган.

1987-1992-жылдары Ысык-Көл ОБЛКСМда инструктор;

1992-2005-жылдары "Айым Галф" ЖЧКсынын коммерциялык директору;

2005-2007-жылдары "Трэвел Альянс групп" ЖЧКсынын директору;

2007-2010-жылдары – Жогорку Кеңештин IV чакырылышынын депутаты;

2015-жылы "Өнүгүү-Прогресс" партиясынын тизмеси аркылуу Жогорку Кеңештин VI чакырылышынын депутаты болуп шайланган.

Үй-бүлөлүү, беш баланын атасы.

12-апрелге карата жылнаама.