Өзгөчө кырдаалдар министри Нурболот Мирзахмедов жалпы жамаат менен тааныштырылды

Бүгүн, 21-апрелде өзгөчө кырдаалдар министри Нурболот Мирзахмедов жалпы жамаат менен тааныштырылды. Бул тууралуу аталган министрликтин басма сөз кызматы билдирди.

Маалыматка ылайык, аны биринчи вице-премьер-министр Кубатбек Боронов тааныштырды. Кубатбек Боронов буга чейин 2011-жылдан тарта аталган министрликти жетектеп келген. Кечээ, 20-апрелде ал биринчи вице-премьер-министр кызматына дайындалган.

Боронов министрликтин жалпы жамаатына ыраазычылык билдирип, жаңы министр Нурболот Мирзахмедовдун ишине ийгиликтерди каалады.

Эске салсак, 19-апрелде Жогорку Кеңеш өкмөткө ишеним көрсөтпөө чечимин кабыл алган. Буга байланыштуу президент Сооронбай Жээнбеков Сапар Исаковдун өкмөтүн отставкага кетирген. Кечээ, 20-апрелде Мухаммедкалый Абылгазиев баштаган өкмөттүн курамы Жогорку Кеңеште жактырылган. Андан соң президент Сооронбай Жээнбеков өкмөттүн курамын тийиштүү кызматтарга дайындоо боюнча жарлыкка кол койгон.