Зилалиевдин соту: "Бомба" деп угуп калган курсант кыз көрсөтмө берди (толукталды)

2-майда Бишкек шаарынын Биринчи Май райондук соту Мамлекеттик мүлк фондунун мурдагы төрагасы Дүйшөнбек Зилалиевдин ишин карады. Бул тууралуу Зилалиев журналисттерге билдирди.

Анын айтымында, соттук отурумда ИИМ Академиясынын курсант кыз Самара Өмүракунова көрсөтмө берди. " ИИМ Академиясынын курсант кызы мени бомба тууралуу маалымат билдирген деп айтты", - деди Зилалиев.

Самара Өмүракунова: "Зилалиев мага милиция кызматкеринин формасы жараша турганы боюнча айтканын билдирип, көрсөтмө бериптир. Бирок антип айткан эмес. Ал мага бомба тууралуу билдирген", - деп маалымат каражаттарына кабарлады.

Зилалиев 228-берене (терроризм актысы жөнүндө атайылап жалган билдирүү жасоо) менен айыпталууда.

Айта кетсек, буга чейин "Дело №" гезити президент Сооронбай Жээнбеков ант берип жаткан күнү "өкмөттүк жолго жардыруучу зат коюлган" деген жалган маалымат тууралуу жазган. Басылманын маалыматында, ИИМ Академиясынын курсантына, кара Лексус айдап жүргөн белгисиз адам өкмөттүк жолго жардыруучу зат коюлганын айткан. Ал жерге Бишкек ШИИББинин ыкчам-тергөө тобу барып, шектүү эч нерсе табышкан эмес. Кийинчерээк бул маалыматты айткан Зилалиев экени белгилүү болуп, бул факт боюнча кылмыш иши козголгон.

Дүйшөнбек Зилалиев болсо SUPER.KG порталына жогорудагы маалымат абсурд экенин жана болгону курсант кыздын формасына сын айтканын билдирген.