АКШда комада жаткан 13 жаштагы баланын органдарын донорлукка берүүгө бир күн калганда эсине келди

АКШда комада жаткан 13 жаштагы баланын органдарын донорлыкка берүүгө ата-энеси тарабынан уруксат берилгенде, бала эсине келди. Бул тууралуу чет элдик басылмалар жазып чыгышты.

АКШнын Алабама штатынын 13 жаштагы Трентон Маккинли аттуу тургуну 2 ай мурда жол кырсыгына кабылган. Тагыраагы, ал отурган жүк ташуучу унаа оодарылып кетип, оор жаракаттан улам комага түшүп калган. Дарыгерлер баланын баш сөөгү 7 жеринен сынганын, ал айыгып кете албай турганын билдирген.

Баланын ата-энесине донордук компаниянын өкүлдөрү келип, Трентон Маккинлинин органдары донорлукка берилсе, ал 5 адамдын өмүрүн сактап каларын айтышкан. 2 айдан бери комада жаткан баласын "эми эсине келмек беле?" деген ата-эне макулдугун берген. Бирок донор болчу адамдын органдарын атайын процедуралардан өткөрүүгө бир күн калганда Трентон Маккинли эсине келген. Учурда анын баш сөөгүнө операция жасалуу күтүлүүдө.