Жогорку Кеңештин депутаты Таабалды Тиллаев: "Карыздан кутулуу үчүн атайын эсеп ачуу - бул популисттик кадам"

Өкмөт башчы Мухаммедкалый Абылгазиев парламентте отчёт берип жатып тышкы карыздан кутулуу үчүн атайын эсеп ачыла турганын билдирген. SUPER.KG порталынын тышкы карызды төлөө үчүн элден акча чогултуу туурабы деген соболуна "Республика-Ата Журт" фракциясынан депутат Таабалды Тиллаев жооп берди.

Анын пикиринде, карыздан кутулууну каалаган жарандар жекече эле жардам көрсөтсө туура болот.

“Бул маселе алгачкы жолу көтөрүлгөн жок. Буга чейин да айтылып, бирок ишке ашпай келген. Мамлекеттин карызынын көлөмү жана андан кантип кутулуу керектиги аныкталган. Ал эми аны элдин акча чогултуп төлөө бул - популисттик эле кадам. Эгер каалоочулар болсо, түздөн-түз эле тийиштүү мамлекеттик мекемеге берсе болот. Сырттан карыз алып жатканда бийлик качан, канча сомдон кайтаруу керектигин тактап, аныктап туруп алган. Ошол план боюнча эле төлөнгөнү туура”, - деди Тиллаев.

Жарандык активист Акбалык Жумалиева, экономика илимдеринин доктору Айылчы Сарыбаев, экс-депутат Өмүрбек Абдрахманов, депутаттар Максат Сабиров, Бактыбек Райымкулов, Карамат Орозованын жообу бул шилтемеде.