Бишкек-Ош жолунда унаа сууга түшүп кетип, ичинде бараткан 26 жаштагы жаран дайынсыз болууда

10-июль күнү Бишкек-Ош жолунда унаа сууга түшүп кетип, ичинде бараткан 26 жаштагы жаран дайынсыз болууда. Өзгөчө кырдаалдар министрлигинин маалыматына таянсак, кечээ, 10-июлда саат 14:45 чамасында Хонда Фит унаасы жолдон чыгып кетип Жайыл районундагы Кара-Балта суусуна түшүп кеткен. Кырсык болгон жерде 1992-жылы туулган А.у.С. аттуу жаран сууга агып кетип, ӨКМнын №22-аскерлештирилген өрт-куткаруу кызматынан 5 куткаруучу тартылып, издөө иштерин жүргүзүшкөн. Бирок натыйжа болгон эмес.