Өлкөдө 20-август эс алуу күнү катары жарыяланды. Буга байланыштуу өлкө жарандары 4 күн эс алат

Мамлекеттик бюджеттен каржыланган, беш күндүк иш жумасы менен иштеген мамлекеттик жана муниципалдык уюмдардын, мекемелердин жана ишканалардын кызматкерлери үчүн 20-август эс алуу деп жарыяланды. Бул тууралуу Эмгек жана социалдык өнүгүү министрлиги маалымдады.

Белгилүү болгондой, 21-августта Кыргыз өлкөсүндө Курман айт майрамы белгиленет. Ал эми 20-августтагы иш күнү 22-сентябрдагы эс алуу күнүнө жылдырылган.

Муну менен Кыргызда 18-19-20-21-август күндөрү, 4 күн катарынан эс алуу болот.

"Эс алуу күндөрүн жылдыруу жөнүндө тиешелүү токтомго Кыргыз Республикасынын премьер-министри кол койду. Бул чечим 2018-жылы эс алуу жана жумуш эмес күндөрүн сарамжалдуу пайдалануу максатында кабыл алынды", - деп жазылат маалыматта.