Статистикалык комитет: Ушул жылы 8 ай аралыгында өлкөдө орточо айлык акынын көлөмү 15 765 сом болду

Статистикалык комитеттин маалыматы боюнча орточо айлык акынын реалдуу өсүшү 2018-жылдын январь айынан июль айына чейин 4,5 пайызды түздү. Акчалай туюнтканда, орточо айлык акы 15 765 сом болду.

Ал эми расмий катталган жумушсуздардын саны 2018-жылдын август айынын аягында 68,8 миң адамды түзгөн. 2017-жылдын тийиштүү мезгилине салыштырмалуу 9,9 пайызга өскөн.

Ал эми экономикалык маалыматтар боюнча тышкы соода жүгүртүү 2018-жылдын январь айынан июль айына чейин 3 миллиард 794,9 миллион долларды түзүп, 2017-жылдын январь айынан июль айына чейин салыштырмалуу 14,0 пайызга өстү. Анын ичинде экспорт – 917,8 миллион долларды (1,6 пайызга төмөндөө), импорт – 2 миллиард 877,1 миллион долларды ( 20,0 пайыз өсүү) түздү.