Бишкек шаардык №4-оорукананын айланасындагы жолдорду оңдоо иштери башталды

План боюнча быйыл Бишкекте 45 чакырым жол оңдолушу керек, учурда 5-6 гана чакырым жол оңдолуп бүттү. Бул тууралуу бүгүн, 12-июлда пресс-тур учурунда мэр Иса Өмүркулов билдирди. Айтымында,  Гагарин, Донецкий, Түштүк магистраль,  Дэн Сяопин, Анкара (Горький) жана Бишкек шаардык №4-оорукананын айланасындагы көчөлөр капиталдык оңдоого муктаж. “Бүгүн 4-оорукананын айланасындагы жолдор жабылды, ал жерде оңдоо иштери башталды, ошондой эле Донецкий көчөсү эмки жумадан баштап оңдоло баштайт”,- деди мэр.