Кара-Суу районунда унаа жолдун айрым аймактарына түшкөн кар күрткүлөрүн тазалоо иштери улантылууда

Кара-Суу районунун Мады айыл аймагында 14-январда болгон катуу шамалдын кесепетинен Бек-Жар-Кичи-Тээке ички чарбалык унаа жолунун айрым жерлеринде кар күрткүсү пайда болуп жол убактылуу жабылган. Бул тууралуу бүгүн, 21-январда Өзгөчө кырдаалдар министрлигинен билдиришти.

"15-январь күнү унаа жолдун 4 чакырым аралыгы тазаланып, жол каттамы бир тараптуу ачылган. Жолду кар көчкүдөн тазалоого ӨКМнын өзгөчө кырдаалдарга чара көрүү түштүк борборунан бир Бульдозер тартылган. Тартылган техниканын жардамы менен 20-январь күнү унаа жолдун 1200 метр аралыгы, жалпы 6 чакырым жол тазаланган. Тазалоо иштери бүгүн, 21-январда да улантылат", - деп айтылат маалыматта.