"Дүйнөдө жасалма паспорт менен кармалгандардын төртөө биздин паспортту көрсөттү. Эч ким жаза алган жок" дейт депутат

Дүйнөдө жасалма паспорт менен кармалгандардын төртөө Кыргыз Республикасынын паспортун алып жүргөнүн көрсөтүштү. Бирок бул боюнча эч ким жазага тартылган жок. Мындай маалыматты бүгүн, 12-февралда Жогорку Кеңештин Эл аралык иштер, коргоо жана коопсуздук боюнча комитетинин жыйынында депутат Каныбек Иманалиев билдирди.

"Жасалма паспортторду жасаган фактылар боюнча эч ким жоопкерчиликке тартылган жок. Мисалы, Иранда террористтик иштерди жасады деп атууга кетет. Башкача айтканда, биздин өлкөдөн чыккан жасалма паспорттор террористтер үчүн жакшы жагдай түзүүдө. Буга жазаны күчөтүү керек.

Бизге келген чет элдик студенттердин көбү Индия жана Пакистандан келгендер болуп саналат. Мына ушул эки өлкөнүн жарандарына өлкөгө кирүүнү жеңилдетүү керек", - деди Иманалиев.