Айдоочулардын эсине! ШКУнун саммитине карата Бишкектин кайсы көчөлөрү жабылат? (тизме)

13-14-июнь күндөрү Бишкек шаарында Шанхай кызматташтык уюмунун саммити өтөт. Буга байланыштуу Бишкектин жана Чүй облусунун айрым көчөлөрү убактылуу жабылуу алдында турат. Мындай маалыматты ИИМдин басма сөз кызматынан билдиришти.

Саммитке келген делегация өткөн учурларда төмөнкү көчөлөргө чектөө киргизилет:

- "Манас" аэропортунан Жибек-Жолу көчөсүнө чейинки Фучик көчөсү;

- Жибек-Жолу көчөсү Жаш Гвардия бульварына чейин;

- Жаш Гвардия бульвары Жибек-Жолунан Чүй кең көчөсүнө чейин;

- Чүй кең көчөсү Жаш Гвардия бульварынан Манас кең көчөсүнө чейин;

- Манас жана Чыңгыз Айтматов кең көчөсү мамлекеттик резиденцияга чейин.

Жол кыймылынын коопсуздугун камсыздоо башкы башкармалыгы шаар тургундарын тыгын жаралбашы үчүн жол эрежелерин сактоого чакырат. Чет өлкөгө чыгууга камынып жаткан жарандар бул күндөрү "Манас" аэропортуна каттоо мөөнөтүнөн эртерээк жетип алууну эскертет. Ошондой эле жол жээктериндеги уруксат берилбеген тилкелерге башаламан токтогон унааларды эвакуаторлор алып кетери да айтылат.