Супер-Инфо
super.kg видео
Жети-Өгүз районунда мечитте 9 жаштагы бала сүннөткө отургузулган, бирок кан көп кеткенине байланыштуу ата-энеси ооруканага кайрылышкан
Жети-Өгүз районунда мечитте 9 жаштагы бала сүннөткө отургузулуп, бирок кан көп кеткенине байланыштуу ата-энеси ооруканага кайрылышкан. Учурда аталган окуя боюнча милиция териштирүү иштерин баштады. Бул тууралуу бүгүн, 29-июлда облустук милициядан билдиришти.
Маалыматка ылайык, окуя 25-июль күнү орун алган. Анда 9 жаштагы баланы жергиликтүү мечиттердин биринен сүннөткө отургузгандан кийин түнү бою кан токтобой койгон. Натыйжада ата-энеси ооруканага кайрылышкан.
“Бул факты Кылмыштардын жана жоруктардын бирдиктүү реестрине катталып, учурда милиция кызматкерлери тарабынан териштирүү иштери башталды. Анын жыйынтыгы менен толук маалымат берилет”, - деп билдиришти милициядан.
Буга чейин Ысык-Көлдө 3 жаштагы бала сүннөткө отургузуу учурунда каза болуп калган. Анда баланы сүннөткө отургузуу үчүн жалпы наркоз сайылгандан кийин баланын аллергиясы башталып, ал көз жумган болчу.
0
Биринчи
Эмнеге мечитте суннот жасатат. Мечит бул ааламдардын падышасы жаратуучусуна сажда кылуучу жана урушканды жараштырган жер. А силерге ч....к кесе турган жер эмес. Оюнбу суннотко отургузуу силерге.
Экинчи
Суннотко 5.6жашында отургузат. 9жаш ото эле чон жаш.
Учунчу
балага бир нерсе болсо кескен эмес кестирген ата-эне куноокор болот!!!