Депутат Исхак Масалиев: "УКМКнын кызматкерлери аткарган иш чийки болуп калды". КҮНСОБОЛ

Бүгүн ички иштер министри, УКМКнын төрагасы жана башкы прокурор маалымат жыйынын берди. Жыйында күч түзүмдөрүнүн жетекчилери Алмазбек Атамбаев эки жолку сүйлөшүүдөн кийин колго түшкөнүн жана Кой-Ташта орун алган окуя тууралуу айтып беришти.

SUPER.KG порталы "Алмазбек Атамбаевди кармоо боюнча күч органдарынын ишинде кайсы аракеттер туура, кайсынысы туура эмес болду?" деген собол салды.

Жогорку Кеңештин депутаты Исхак Масалиев алдын ала кандайдыр бир баа берүүдөн алыс экенин айтат.

"Мен ал операцияга катышпагандан кийин туура же туура эмес деп айта албайм. Алдын ала мунуку туура же туура эмес деп баа берүүдөн да алысмын.

Ачыгын айтканда, биринчи күнү атайын операция өткөргөндө УКМКнын кызматкерлери так иш алып бара албай, алардын жасаган иши чийки болуп калды. Эртеси күнү Атамбаевди колго түшүрүү операциясында Ички иштер министрлигинин кызматкерлери ишти жөнгө салды", - дейт депутат.