Ренат Түлөбердиев Мамлекеттик мүлктү башкаруу фондунун төрагасы кызматынан бошотулду

Ренат Түлөбердиев башка ишке өткөндүгүнө байланыштуу Кыргыз Республикасынын өкмөтүнө караштуу Мамлекеттик мүлктү башкаруу боюнча фондунун төрагасы кызматынан бошотулду. Бул тууралуу өкмөттүн маалымат кызматы бүгүн, 21-августта кабарлады.

Тиешелүү буйрукка Кыргыз Республикасынын премьер-министри Мухаммедкалый Абылгазиев кол койгону жазылат маалыматта.

Ренат Түлөбердиев аталган кызматка 2017-жылдын декабрь айында дайындалган.